• HR Administrator - Fixed Term Maternity Leave Replacement

    ᓴᖅᑭᖅᑎᑕᐅᔪᖅ ᐅᓪᓗᖓ 10/19/2018 9:27 AM(10/19/2018 9:27 AM)
    ᐃᖅᑲᓇᐃᔮᖅ ᓇᓗᓇᐃᒃᑯᑕᖓ
    2018-2182
    ᐃᖅᑲᓇᐃᔮᖅ ᑭᓱᓕᕆᔨᐅᓂᖓ
    ᐃᖅᑲᓇᐃᔭᖅᑐᓕᕆᓂᖅ
    ᐃᖅᑲᓇᐃᔮᖅ ᖃᓄᐃᑦᑑᓂᖓ
    ᐃᖅᑲᓇᐃᔭᐃᓐᓇᖅᑐᑦ
  • ᑐᕌᒐᖓ ᑖᔅᓱᒧᖓ ᐃᖅᑲᓇᐃᔮᔅᓴᒧᑦ

    Baffinlandᒥᑦ, ᐃᖅᑲᓇᐃᔭᖅᑐᒍᑦ ᓄᓇᖃᖅᑐᑕᓗ ᐅᑭᐅᑕᖅᑐᒥ ᐅᔭᕋᓐᓂᐊᖅᑐᑕ ᓄᓘᔮᓂᑦ. ᕿᑭᖅᑖᓗᒻᒦᑦᑐᖅ, ᓄᓇᕗᑦ, ᓯᓚᕐᔪᐊᒥᑦ ᐃᓚᒋᔭᐅᔪᖅ ᐅᐸᒍᒥᓇᖅᑑᓪᓗᓂ, ᕿᓂᖅᑐᒍᑦ ᐃᓄᓐᓂᑦ ᐱᕈᖃᑎᖃᖅᑎᑦᑎᓗᑎ ᐊᒻᒪ ᓴᓇᓗᑎ ᑎᒥᒋᔭᑦᑎᓐᓂᑦ.

     

    ᐊᔾᔨᐅᖏᑦᑐᖅ ᑎᒥᒋᔭᕗᑦ ᓴᖏᔪᓂᑦᒃ ᐊᐅᓚᑦᑎᔨᖃᖅᑐᑎ ᐃᖅᑲᓇᐃᔭᖅᑎᓂᑦ. ᓯᕗᓕᖅᑎᕗᑦ ᐃᖅᑲᓇᐃᔭᖅᑏᑦ ᐃᖅᑲᓇᐃᔭᖃᑦᑕᖅᓯᒪᒻᒪᕆᑦᑐᑦ ᐅᑭᐅᑕᖅᑐᒥᐅᔭᕋᓐᓂᐊᓂᕐᒥᑦ ᐱᓕᕆᐊᓂᑦ, ᓄᓇᓕᓐᓂᑦ ᑐᓴᖅᑎᑦᑎᖃᑦᑕᓂᕐᒧᑦ ᐊᒻᒪ ᐱᔪᓐᓇᑎᑦᑎᓂᕐᒧᑦ, ᐊᐅᓚᓂᕆᔭᑦᑎᓐᓄᑦ. ᐃᖅᑲᓇᐃᔭᖅᑎᕗᑦ ᐅᓪᓗᒥᒨᖓᔪᓂᑦ ᐊᑐᖃᑦᑕᖅᑐᑦ ᐊᑦᑕᓇᐃᖅᓯᒪᓂᕐᒧᑦ, ᒪᑭᒪᑎᑕᐅᓂᖓ ᐅᔭᕋᓐᓂᐊᕐᕕᒃ ᐊᒻᒪᓗ ᐱᒻᒪᕿᐅᓂᖓ ᐱᖅᑯᓯᑐᖃᐃᑦ ᓯᕗᕋᕆᐊᖅᐸᓪᓕᐊᓕᖅᑐᖅ. ᑕᒪᓐᓇ ᑕᐃᒪᐃᓐᓂᖃᖅᑐᖅ ᐃᖅᑲᓇᐃᔭᕐᓂᐅᔪᒥᑦ ᓄᓇᓕᐅᔪᒥᓪᓗ ᓯᓚᕐᔪᐊᒥᑦ ᐊᔾᔨᖃᖏᑦᑐᖅ.

     

    ᒫᓐᓇᐅᔪᒥᑦ Baffinland ᕿᓂᖅᑐᑦ ᐃᖅᑲᓇᐃᔭᖅᑐᓕᕆᓂᕐᒧᑦ ᐊᐅᓚᑦᑎᔨ ᐃᓚᒋᐅᓗᓂ ᐃᖅᑲᓇᐃᔭᖃᑎᒌᑦᑐᓄᑦ ᓄᓘᔮᓂᑦ ᐱᓕᕆᐊᒥᑦ

     

    ᐊᖏᔪᖅᑳᖃᖅᑐᓂ ᐃᖅᑲᓇᐅᔭᖅᑐᓕᕆᓂᕐᒧᑦ ᐊᖏᔪᖅᑳᖓᓂᑦ, ᑐᕌᒐᓪᓗᐊᑕᕆᔭᖓ ᐊᓪᓚᕕᓕᕆᓂᕐᒧᑦ ᐃᑲᔪᕐᓗᓂ ᐅᔭᕋᓐᓂᐊᕕᒻᒥ ᐃᖅᑲᓇᐃᔭᖅᑐᓕᕆᓂᕐᒧᑦ ᐃᖅᑲᓇᐃᔭᖅᑎᓄᑦ ᐊᔾᔨᒌᖏᑦᑐᓂᑦ ᐱᓕᕆᐊᖃᖅᑎᓪᓗᒋᑦ ᐊᑦᑐᐊᓂᓕᓐᓄᑦ ᐃᖅᑲᓇᐃᔭᐃᓐᓇᖅᑐᓂᑦ ᐊᒻᒪ ᐃᓕᓐᓂᐊᑎᑦᑎᓂᕐᒧᑦ ᑎᑎᕋᖅᑕᐅᓯᒪᔪᓂᑦ ᐊᒻᒪᓗᑦᑕᐅᖅ ᐊᓯᖏᑦ ᐊᑦᑐᐊᓂᓖᑦ ᑎᑎᕋᖅᑕᐅᓯᒪᔪᑦ. ᑕᕝᕙᓂ, ᐃᖅᑲᓇᐃᔮᑖᖅᑐᖅ ᑎᑎᕋᕈᓐᓇᕆᐊᓕ ᐊᒻᒪ ᑐᓴᐅᒪᑎᓪᓗᒋᑦ ᐃᖅᑲᓇᐃᔭᖅᑎᓄᑦ, ᐊᐅᓚᓗᒋᑦ ᑎᑎᕋᖅᓯᒪᔪᑦ ᐊᒻᒪ ᑐᑭᓯᒋᐊᕈᑏᑦ ᐱᕙᓪᓕᐊᓂᖏᑦ, ᖃᐅᔨᒋᐊᒃᑲᓐᓂᖃᑦᑕᕐᓗᓂ ᑎᑎᕋᖅᓯᒪᔪᓂᑦ ᐊᒻᒪ ᐊᓪᓚᕕᒻᒥ ᐱᓕᕆᐊᖑᒋᐊᓕᓐᓂᑦ ᐃᑲᔪᖃᑦᑕᕐᓗᓂ.  

    ᐱᓕᕆᐊᕆᓪᓗᐊᑕᕆᐊᖃᖅᑕᖏᑦ

    • ᐊᐅᓚᑦᑎᓂᖅ ᐃᓄᓐᓂᑦ ᐃᖅᑲᓇᐃᔭᖅᑎᑦᑎᓂᕐᒧᑦ ᐊᒻᒪ ᐊᑦᑐᐊᓂᓖᑦ ᐱᓕᕆᐊᖑᒋᐊᓖᑦ;
    • ᐅᓪᓗᒥᒨᖓᓕᖅᑎᑕᐅᓗᑎ ᐃᓄᓐᓂᑦ ᐃᖅᑲᓇᐃᔭᖅᑎᑦᑎᓂᕐᒧᑦ ᑐᑭᓯᒋᐊᕈᑏᑦ ᐊᒻᒪ ᑭᓪᓕᓯᐊᖅᓯᒪᔭᐅᔪᓂᑦ/ᖃᐅᔨᓴᖅᑕᐅᓯᒪᔪᓂᑦ ᐱᔭᐅᔪᒪᒐᐃᒍᑎ;
    • ᒪᑭᒪᑎᑦᑎᖃᑦᑕᕐᓂᖅ ᐃᓕᓐᓂᐊᑎᑦᑎᓂᕐᒧᑦ ᐃᖅᑲᓇᐃᔭᖅᑎᓂᑦ ᑐᑭᓯᒋᐊᕈᑎᖏᓐᓂᑦ;
    • ᐊᐅᓚᑦᑎᓗᓂ ᐊᒻᒪ ᐋᖅᑭᔅᓯᓗᓂ ᑐᑭᓯᒋᐊᕈᑎᓂᑦ ᐃᖅᑲᓇᐃᔭᖅᑎᑖᖅᑲᐅᓄᑦ;
    • ᓴᖅᑭᑎᑦᑎᓗᓂ, ᐅᓪᓗᒥᒨᖓᓕᖅᑎᓪᓗᒋᑦ ᐊᒻᒪ ᒪᑭᒪᑎᓪᓗᒋᑦ ᐊᔾᔨᒌᖏᑦᑐᑦ ᑎᑎᕋᕐᕕᓴᒦᑦᑐᑦ ᖃᕋᓴᐅᔭᒃᑯᑦ;
    • ᑎᑎᕋᖃᑦᑕᕐᓗᓂ ᐃᖅᑲᓇᐃᔭᓂᕐᒧᑦ ᐋᓐᓂᖅᑐᓄᑦ;
    • ᖃᐅᔨᒋᐊᖃᑦᑕᕐᓗᒋᑦ ᐃᖅᑲᓇᐃᔭᖅᑏᑦ ᐅᐸᖏᖃᑦᑕᕐᓂᖏᑦ;
    • ᐊᔪᖏᓐᓂᖃᓂᕐᒥᑦ ᐱᓕᕆᖃᑎᖃᕐᓗᓂ ᐃᓗᐊᓂ ᓯᓚᑖᓂᓗ ᑎᒍᒥᐊᖅᑎᐅᖃᑕᐅᔪᓂᑦ;
    • ᐅᔾᔨᕆᑦᑎᐊᕐᓗᒋᑦ ᑲᓐᖑᓇᖅᑎᑕᐅᔪᑦ ᐃᖅᑲᓇᐃᔭᓂᕐᒧᑦ ᑎᑎᕋᖅᓯᒪᔪᑦ ᐊᒻᒪ ᐃᖅᑲᓇᐃᔭᖅᑎᒧᑦ ᑐᑭᓯᒋᐊᕈᑎᖏᑦ;
    • ᖃᐅᔨᒋᐊᒃᑲᓐᓂᖃᑦᑕᕐᓗᒋᑦ ᐃᖅᑲᓇᐃᔭᖅᑎᑖᖅᑲᐅᖑᔪᑦ ᐱᑕᖃᖏᑦᑐᓂᑦ ᑎᑎᕋᖅᓯᒪᔪᓂᑦ;
    • ᐃᑲᔪᖃᑦᑕᕐᓗᓂ ᑎᑎᕋᖅᓯᒪᔪᓂᑦ ᐊᐅᓚᑦᑎᓂᕐᒧᑦ ᐸᐃᐹᖃᕐᕕᒨᖅᑕᐅᓂᖏᓐᓄᑦ ᐱᓇᓱᐊᕈᓯᑕᒫᑦ;
    • ᐃᑲᔪᖃᑦᑕᕐᓗᓂ ᑭᐅᓂᕐᒥᑦ ᐃᖅᑲᓇᐃᔭᖅᑎᓄᑦ ᐊᒻᒪ ᐃᖅᑲᓇᐃᔮᖅᑖᕋᓱᐊᖅᑐᓄᑦ ᖃᐅᔨᒋᐊᕈᑎᖏᓐᓂᑦ;
    • ᐊᓯᓕᒫᖏᑦ ᐱᓕᕆᐊᖑᒋᐊᓖᑦ ᐱᓕᕆᑎᑕᐅᔪᑦ

    ᐱᔪᓐᓇᓂᕐᓗᐊᑕᖏᑦ

    • ᐊᑕᐅᓯᕐᒥᑦ ᐊᕐᕌᒍᒥ ᐃᖅᑲᓇᐃᔭᖅᑐᓕᕆᓂᕐᒧᑦ ᐅᕝᕙᓘᓐᓃᑦ ᐊᓪᓚᕕᒻᒥ ᐊᐅᓚᑦᑎᓂᕐᒧᑦ ᐃᖅᑲᓇᐃᔭᖃᑦᑕᖅᓯᒪᓗᓂ;
    • ᐃᖅᑲᓇᐃᔭᖃᑦᑕᖅᓯᒪᓗᓂ SAPᒥᑦ ᐊᔾᔨᐸᓗᐊᓂᓪᓘᓐᓃᑦ HRIS ᐱᔭᐅᖔᕈᒪᔪᑦ;
    • ᖃᐅᔨᒪᓇᓱᑦᑎᐊᒃᑲᐅᓗᓂ ᓇᓗᓇᐃᔭᖅᓯᒪᓂᖏᓐᓄᑦ, ᑕᒻᒪᖅᓯᒪᖏᓐᓂᖏᓐᓄᑦ, ᖃᐅᔨᓴᐃᓂᕐᒧᑦ, ᐋᖅᑭᓱᑦᑎᐊᖅᓯᒪᑦᑎᐊᕐᓗᓂ, ᓯᕗᓪᓕᐅᔾᔨᔪᓐᓇᕐᓗᓂ ᐊᒻᒪ ᐊᑕᐅᓯᐅᓗᐊᖅᑐᒥᑦ ᐱᓕᕆᔪᓐᓇᕐᓗᓂ ᑎᑭᑦᑎᒍᓐᓇᓂᐊᕐᓗᓂ ᐅᓪᓗᖏᓐᓂᑦ ᑭᓪᓕᒋᒋᐊᖃᑦᖅᑕᖏᓐᓂᑦ;
    • ᐃᖅᑲᓇᐃᔮᖅᑖᕋᓱᐊᖅᑐᖅ ᐃᖅᑲᓇᐃᔭᕈᓐᓇᕆᐊᓕᒃ ᓱᑲᑦᑐᒥᑦ ᐊᔾᔨᒌᖏᑦᑐᓂᑦ ᐋᖅᑭᔅᓯᒪᔪᓂᑦ ᐊᒥᓱᒐᓚᓐᓂᑦ ᓯᕗᓪᓕᐅᔾᔨᔭᕆᐊᖃᖅᑐᓂᓪᓗ
    • ᑐᓴᐅᒪᔾᔪᑎᓕᕆᔪᓐᓇᑎᐊᕐᓗᓂ ᑎᑎᕋᕐᓂᒃᑯᑦ ᐅᖃᐅᓯᒃᑯᓪᓗ;
    • ᖃᐅᔨᒪᓂᖃᕐᓗᓂ MS Office ᖃᕋᓴᐅᔭᓕᕆᔾᔪᑏᑦ, ᐱᓗᐊᖅᑐᒥᑦ Word ᐊᒻᒪ Excel
    • ᖃᐅᔨᒪᓂᖃᕐᓗᓂ ᕿᑭᖅᑖᓘᑉ ᐅᐊᓐᓇᖓᓂ ᓄᓇᓕᖏᓐᓂᑦ
    • ᑐᓵᔨᐅᖃᑦᑕᖅᑐᖅ ᖃᓪᓗᓴᐅᔭᕈᓐᓇᖏᑦᑐᓂᑦ ᐃᖅᑲᓇᐃᔭᖅᑎᓄᑦ ᐊᒻᒪ ᐃᖅᑲᓇᐃᔭᖅᑎᓕᕆᓂᕐᒧᑦ ᐃᖅᑲᓇᐃᔭᖅᑎᓄᑦ.
    • ᐃᖅᑲᓇᐃᔮᑖᕋᓱᐊᖅᑐᑦ ᐅᖃᓕᒫᕈᓐᓇᕆᐊᓖᑦ, ᑎᑎᕋᕈᓐᓇᕐᓗᑎ ᐊᒻᒪ ᑐᓴᐅᒪᑎᑦᑎᔪᓐᓇᕐᓗᑎ ᑕᒪᒃᑭᓐᓂ ᐃᓄᑦᑎᑐᑦ ᐊᒻᒪ ᖃᓪᓗᓈᑎᑐᑎᑦ ᕿᑭᖅᑖᓘᑉ ᐅᐊᓐᓇᖓᑕ ᐅᖃᐅᓯᖓᓐᓂᑦ.

    ᓇᓖᕌᕋᔅᓴᐃᑦ

    Sorry the Share function is not working properly at this moment. Please refresh the page and try again later.
    ᐃᕝᕕᑦ ᑐᓴᕋᔅᓴᖏᓐᓅᕐᓗᒍ