• Apprentice - Heavy Truck and Trailer Service Technician

    ᓴᖅᑭᖅᑎᑕᐅᔪᖅ ᐅᓪᓗᖓ 7/31/2018 5:00 PM(7/31/2018 5:00 PM)
    ᐃᖅᑲᓇᐃᔮᖅ ᓇᓗᓇᐃᒃᑯᑕᖓ
    2018-2120
    ᐃᖅᑲᓇᐃᔮᖅ ᑭᓱᓕᕆᔨᐅᓂᖓ
    ᓴᓇᔨᕈᕆᐅᓴᖅᑐᖅ
  • ᑐᕌᒐᖓ ᑖᔅᓱᒧᖓ ᐃᖅᑲᓇᐃᔮᔅᓴᒧᑦ

    ᕙᓐᓛᓐᑯᑦ ᕿᓂᕐᒪᑕ ᐃᖅᑲᓇᐃᔭᖅᑎᑦᑎᐊᕙᒋᓂᐊᖅᑕᖓᓐᓂᒃ ᐅᖁᒪᑦᑐᓕᕆᓂᕐᒧᑦ ᓄᓇᓯᐅᑎᓄᑦ ᐊᒻᒪᓗ ᑲᓕᒐᕐᓄᑦ ᐱᓕᕆᔨᒥᒃ ᑭᓱᓕᕆᔨᙳᕋᓱᐊᕐᓂᕐᒥᒃ ᐃᓕᓐᓂᐊᖅᐸᓪᓕᐊᓗᓂ.

     

    ᐃᖅᑲᓇᐃᔮᒃᓴᖅᓯᐅᖅᑐᑦ ᐃᓚᒋᔭᐅᓕᕐᓂᐊᖅᐳᑦ ᐃᖅᑲᓇᐃᔭᖅᑎᓄᑦ ᐃᑲᔪᖅᑎᐅᓗᑎᒃ ᑕᖅᑭᓄᑦ ᐊᕐᕕᓂᓕᖕᓄᑦ, ᐃᖅᑲᓇᐃᔭᖅᑎᒥᒃ ᒪᓕᑲᑕᒡᓗᑎᑦ ᐊᒻᒪᓗ ᐃᓕᓐᓂᐊᕐᓗᑎᒃ ᓂᕈᐊᕆᔭᕐᓂᒃ ᓴᓈᒃᓴᒥᒃ. ᐱᐊᓂᑦᑎᐊᕈᕕᑦ ᑕᖅᑭᓄᑦ ᐊᕐᕕᓂᓕᖕᓄᑦ ᖃᐅᔨᔭᕆᐅᕋᓱᒡᓗᒍ, ᓂᕈᐊᖅᑕᐅᓯᒪᔪᖅ ᑎᑎᕋᕋᔭᖅᑐᖅ ᓴᓇᔪᓄᑦ ᖃᐅᔨᓴᕈᑎᓂᒃ.

     

    ᓂᕈᐊᖅᑕᐅᒍᕕᑦ ᐃᓕᓐᓂᐊᒐᒃᓴᒧᑦ, ᓂᕈᐊᖅᑕᐅᓯᒪᔪᑦ ᐃᖅᑲᓇᐃᔭᖅᑎᓪᓚᕆᙳᕋᔭᖅᑐᑦ ᑭᓱᓕᕆᔨᙳᕋᓱᐊᕐᓂᕐᒥᒃ ᐃᓕᓐᓂᐊᖅᐸᓪᓕᐊᓂᕐᒧᑦ ᐹᕙᓐᓛᓐᑯᓐᓄᑦ. ᐆᒃᑐᕈᒪᒍᕕᑦ, ᖃᕆᑕᐅᔭᒃᑯᑦ ᑐᓂᔪᓐᓇᖅᑕᐃᑦ ᐃᖅᑲᓇᐃᔮᕆᖃᑦᑕᓚᐅᖅᑕᕕᒃ ᐅᓂᒃᑳᖏᑦ ᓂᕈᐊᕆᔭᕐᓄᑦ ᐃᖅᑲᓇᐃᔮᒃᓴᒧᑦ ᐅᕝᕙᓘᓐᓃᑦ ᐆᒃᑐᕈᓐᓇᖅᑐᑎᑦ ᐹᕙᓐᓛᓐᑯᑦ ᓄᓇᓕᖕᓂ ᑐᓴᐅᒪᑎᑦᑎᔨᖏᑦᑎᒍᑦ. ᓂᕈᐊᕆᔭᐅᓂᖅᓴᐅᓂᐊᖅᑐᑦ ᐃᓄᐃᑦ ᐆᒃᑐᖅᑐᑦ.

    ᐱᓕᕆᐊᕆᓪᓗᐊᑕᕆᐊᖃᖅᑕᖏᑦ

     

    • ᖃᐅᔨᓴᖅᐸᒡᓗᒋᑦ ᐳᐊᕐᕆᓯᓖᑦ, ᑭᕕᒃᓯᓰᑦ, ᓴᓕᒎᑏᑦ ᐊᒻᒪᓗ ᐊᓯᖏᑦ ᐅᖁᒪᐃᑦᑐᓕᕆᔾᔪᑕᐅᓲᑦ,  ᓄᓇᓕᕆᔾᔪᑏᑦ, ᓇᐹᖅᑐᓕᕆᔾᔪᑏᑦ ᐊᒻᒪᓗ ᐅᔭᕋᖕᓂᐊᕈᑏᑦ ᐃᖏᕐᕋᑦᑎᐊᕈᓐᓇᕐᒪᖔᑕ ᐊᒻᒪᓗ ᖃᐅᔨᓴᖅᐸᒡᓗᒋᑦ ᐱᖁᑏᑦ ᖃᐅᔨᓇᓱᐊᕐᓗᒋᑦ ᐱᐅᙱᓐᓂᖏᑦ ᐊᔪᕈᑎᖏᓪᓗ.
    • ᓱᕋᒃᓯᒪᓂᖏᓐᓂᒃ ᓇᓗᓇᐃᕆᓗᓂ ᐅᕝᕙᓘᓐᓃᑦ ᐊᔪᓕᕈᑎᖏᓐᓂᒃ ᐊᑐᕐᓗᓂ ᖃᕆᑕᐅᔭᓂᒃ ᐊᒻᒪᓗ ᐊᓯᖏᓐᓂᒃ ᖃᐅᔨᓴᕈᑎᓂᒃ ᓇᓗᓇᐃᕆᓇᓱᐊᖅᑎᓪᓗᒋᑦ ᐋᖅᑭᒋᐊᓕᖕᓂᒃ
    • ᐋᖅᑭᒋᐊᖅᐸᒡᓗᒋᑦ ᐱᖁᑏᑦ ᐊᒻᒪᓗ ᐋᖅᑭᒡᓗᒍ ᐅᕝᕙᓘᓐᓃᑦ ᐊᔨᔾᔨᕐᓗᒍ ᓱᕋᒃᓯᒪᔪᖅ, ᐃᓚᖏᑦ ᐅᕝᕙᓘᓐᓃᑦ ᐊᑕᖏᓗᒃᑖᖅ, ᐊᑐᕐᓗᒋᑦ ᐊᑐᐃᓐᓇᐅᔪᑦ ᓴᓇᕐᕈᑏᑦ ᐊᒡᒐᖕᒧᑦ ᐅᕝᕙᓘᓐᓃᑦ ᐊᐅᓚᐅᑎᓕᖕᓄᑦ.  
    • ᖃᐅᔨᓴᖅᐸᒡᓗᒋᑦ ᐋᖅᑭᒌᖅᑐᑦ ᑭᓱᑐᐃᓐᓇᑦ ᑕᒪᓐᓇᐅᑦᑎᐊᕋᓗᐊᕐᒪᖔᑕ ᐊᒻᒪᓗ ᓈᒪᒃᑎᓯᒪᒐᓗᐊᕐᒪᖔᑕ ᓴᓇᕙᒃᑐᑦ ᓇᓗᓇᐃᔭᐅᑎᖏᓐᓄᑦ
    • ᓴᓗᒻᒪᖅᓴᕐᓗᒋᑦ, ᐅᖅᓯᖅᑎᕐᓗᒋᑦ ᐊᒻᒪᓗ ᐊᓯᖏᓐᓂᒃ ᐸᖅᑭᔾᔪᑎᓂᒃ ᑲᒪᖃᑦᑕᕐᓂᖅ ᐱᖁᑎᓂᒃ
    • ᑲᒪᒋᕙᒡᓗᒋᑦ ᐃᓚᕈᑕᖏᑦ ᐊᒻᒪᓗ ᐱᓕᕆᔾᔪᑕᐅᓲᑦ ᓱᕐᓗ ᐊᖑᓇᓱᒍᑏᑦ ᐊᒻᒪᓗ ᓄᓇᓕᕆᔾᔪᑏᑦ ᐱᖁᑏᑦ, ᑮᓇᓖᑦ, ᓄᕗᓖᑦ, ᑲᓕᔾᔪᑏᑦ ᐊᒻᒪᓗ ᓱᓪᓗᓕᕆᔾᔪᑏᑦ
    • ᐱᓕᕆᔭᕆᐊᖃᑐᐃᓐᓇᕆᐊᓕᒃ ᐋᖅᑭᒃᓯᔭᕆᐊᖃᖅᐸᑦ ᐅᖁᒪᐃᑦᑐᓕᕆᔾᔪᑎᓂᒃ ᓄᓇᓯᐅᑎᓂᒃ
    • ᐃᓚᓯᒋᐊᕆᖃᑦᑕᑐᐃᓐᓇᕆᐊᓕᒃ ᐃᓚᕈᑕᖏᓐᓂᒃ ᐊᒻᒪᓗ ᐋᖅᑭᒋᐊᕐᓗᒋᑦ ᓄᑖᑦ ᐱᖁᑏᑦ
    • ᐅᖁᒪᐃᑦᑐᓕᕆᓂᕐᒧᑦ ᓱᕋᒃᓯᒪᔪᓕᕆᔨ ᐊᔾᔨᐅᙱᑦᑐᓂᒃ ᐱᓕᕆᖃᑦᑕᕆᐊᖃᑐᐃᓐᓇᕆᐊᓕᒃ ᓱᕐᓗ ᐃᓚᓯᓗᓂ ᐅᕝᕙᓘᓐᓃᑦ ᑐᓛᖃᖅᑐᓂᒃ ᐃᖏᕐᕋᔾᔪᑎᓂᒃ ᐅᕝᕙᓘᓐᓃᑦ ᐊᐅᓚᐅᑎᖏᓐᓂᒃ ᐃᒍᒥᑎᕆᖃᑦᑕᕐᓗᓂ, ᓱᒃᑲᓕᔾᔪᑎᖏᓐᓂᒃ, ᐅᖅᓱᐊᓗᒃᑐᕈᑎᖏᓐᓂᒃ, ᐃᒥᖅᑐᕈᑎᖏᓐᓂᒃ ᐅᕝᕙᓘᓐᓃᑦ ᓴᕕᒐᐅᔭᖏᓐᓂᒃ

    ᐱᔪᓐᓇᓂᕐᓗᐊᑕᖏᑦ

    ᑭᓱᓕᕆᔨᙳᕋᓱᐊᕐᓂᕐᒥᒃ ᐃᓕᓐᓂᐊᖅᐸᓪᓕᐊᓂᖅ ᐅᖁᒪᑦᑐᓕᕆᓂᕐᒧᑦ ᓄᓇᓯᐅᑎᓄᑦ ᐊᒻᒪᓗ ᑲᓕᒐᕐᓄᑦ ᐱᓕᕆᔨ ᐊᑐᐃᓐᓇᐅᔪᖅ ᑭᓯᐊᓂ ᑕᑕᑎᕆᓯᒪᓗᓂ ᑭᓱᓕᕆᔨᙳᕋᓱᐊᕐᓂᕐᒥᒃ ᐃᓕᓐᓂᐊᖅᐸᓪᓕᐊᓂᕐᒧᑦ ᐊᒻᒪᓗ ᐃᓂᒧᑦ ᐃᓕᔭᐅᓂᖅ ᐃᓕᓐᓂᐊᒐᒃᓴᒧᑦ ᐊᑐᐃᓐᓇᐅᑎᑕᐅᔪᖅ ᓄᓇᖃᕐᕕᔅᓯ ᑭᒡᒐᖅᑐᐃᔨᖓᓄᑦ  ᑭᓱᓕᕆᔨᙳᕋᓱᐊᕐᓂᕐᒥᒃ ᐃᓕᓐᓂᐊᖅᐸᓪᓕᐊᔪᓕᕆᔨᒧᑦ  ᐅᕝᕙᓘᓐᓃᑦ ᓄᓇᔅᓯᓐᓂ ᑭᓱᓕᕆᔨᙳᕋᓱᐊᕐᓂᕐᒥᒃ ᐃᓕᓐᓂᐊᖅᐸᓪᓕᐊᔪᓕᕆᔨᒧᑦ.

     

     

    ᐃᓱᒪᒋᔭᐅᔪᒪᒍᕕᑦ, ᑎᑭᐅᒪᔭᕆᐊᖃᖅᐳᑦ ᐃᓕᓐᓂᐊᖅᓯᒪᔭᕆᐊᓕᑎᑦ ᐊᑖᒍᑦ ᓇᓗᓇᐃᔭᖅᓯᒪᔪᓄᑦ;

    • ᐱᐊᓂᑦᑎᐊᕐᓗᒋᑦ ᐃᓕᓐᓂᐊᕆᐊᓖᑦ ᐃᓕᓐᓂᐊᕆᐊᖃᓪᓚᑦᑖᖅᑐᑦ ᐱᓕᒻᒪᒃᓴᓂᕐᒧᑦ ᐃᓕᓐᓂᐊᒐᒃᓴᓄᑦ ᓄᓘᔮᖕᓂ ᐅᔭᕋᖕᓂᐊᕐᕕᖓᓂ
    • ᐱᐊᓂᒃᓯᑦᑎᐊᕐᓗᑎᑦ ᖁᕝᕙᓯᓕᕇᖕᓂᒃ ᐱᖓᔪᖓᓐᓂᒃ ᑎᑎᕋᕋᔭᖅᑐᖅ ᓴᓇᔪᓄᑦ ᖃᐅᔨᓴᕈᑎᓂᒃ ᑕᐃᒪᐃᑦᑕᕆᐊᖃᖅᑎᑕᐅᖕᒪᑦ ᐃᓚᐅᕙᓪᓕᐊᓂᐊᓕᖅᑎᓪᓗᑎᑦ ᑕᕝᕗᖓ ᓴᓇᕝᕕᖕᒧᑦ
    • ᐊᖏᖅᑕᐅᓯᒪᓗᑎᒃ ᐸᐃᐹᓕᕆᔾᔪᑎᖏᑦ ᑭᓱᓕᕆᔨᙳᕋᓱᐊᕐᓂᕐᒥᒃ ᐃᓕᓐᓂᐊᖅᐸᓪᓕᐊᓂᕐᒧᑦ ᓴᓇᓂᕐᒧᑦ ᐱᐊᓂᒃᓯᑦᑎᐊᖅᐸᑦ ᑎᑎᕋᕋᖅᑕᖏᓐᓂᒃ ᓴᓇᔪᓄᑦ ᖃᐅᔨᓴᕈᑎᓂᒃ.
    • ᒪᓕᒋᐊᓕᖏᑦ ᓇᓗᓇᐃᖅᑕᐅᓯᒪᔪᑦ ᐹᕙᓐᓛᓐᑯᑦ ᐊᒻᒪᓗ ᑭᓱᓕᕆᔨᙳᕋᓱᐊᕐᓂᕐᒥᒃ ᐃᓕᓐᓂᐊᖅᐸᓪᓕᐊᔪᓕᕆᔩᑦ ᒪᓖᓐᓇᕐᓗᒋᑦ ᐃᓕᓐᓂᐊᕐᓂᕆᔭᕆᐊᖃᖅᑕᓕᒫᖓ ᐱᐊᓂᒐᓱᐊᕐᓂᖓᓂᒃ.  

    ᓇᓖᕌᕋᔅᓴᐃᑦ

    Sorry the Share function is not working properly at this moment. Please refresh the page and try again later.
    ᐃᕝᕕᑦ ᑐᓴᕋᔅᓴᖏᓐᓅᕐᓗᒍ